Мэдээлэл

Д.Содном: Багануурт станц байгуулснаар цахилгааны өртөг буурна

Монгол Улсын 14 дэх Ерөнхий сайд Д.Содномтой эрчим хүчний асуудлаар цөөн хором ярилцлаа.

-Манай Улсын эрчим хүчний бие даасан, найдвартай хангалт ямар байгаа вэ?

-Манай улс цахилгаан эрчим хүчний хэрэгцээнийхээ 20 орчим хувийг хөрш улсуудаас авч хангаж байна гэсэн мэдээ саяхан сонинд гарсан. Дулааны эрчим хүчний хэрэгцээ хангагдаагүй байгаа нь бүгдэд тодорхой. Мөн цахилгаан станцууд 30 гаруй жилийн настай буюу хуучирсан, шинэчлэх шаардлагатай гэсэн мэдээ гарсан байна билээ. Энз бүхнээс үзэхэд манай улсын эрчим хүчний бие даасан болон найдвартай хангалт асуудалтай байгаа.

-Энэ салбарын талаар төр ямар бодлоготой байх ёстой вэ?

-Цахилгаан эрчим хүчнийхээ хэрэгцээг дотоодын эх үүсвэрээс бүрэн бөгөөд найдвартай хангадаг байх нь улсын аюулгүй байдалд, эдийн засаг нийгмийн хөгжилд шийдвэрлэх ач холбогдолтой.

Ийм учраас дэд бүтцийн, үүний дотор эрчим хүчний салбарыг эхний ээлжид хөгжүүлэх бодлого хэрэгжүүлж байхыг улс орнуудын төр засаг эрхэмлэдэг.

Манай улс ийм бодлого хэрэгжүүлж чадахгүй байна. Эрчим хүчний салбарыг түрүүлж хөгжүүлж байх тууштай бодлого барьж, түүнд хөрөнгө хүчний нөөцийг төвлөрүүлээгүйн уршгаар өнгөрсөн гучаад жилд шинээр том чадлын цахилгаан станц барьсангүй. Улаанбаатар хотод V Цахилгаан станц, Тавантолгой, Шивээ овоо, Багануурын нүүрсний орд дээр цахилгаан станц барих тухай гучаад жил ярьсан боловч нэг нь ч хэрэгжсэнгүй. Энэ нь төрийн эрх барьж байгаа манай улс төрийн намуудад зөв бодлого тодорхойлж тууштай хэрэгжүүлэх чадвар сэтгэл байдаггүйтэй холбоотой.

Дэлгэрэнгүй...

“Эгийн голын усан цахилгаан станц “Төрийн өмчит хязгаарлагдмал хариуцлагатай компанийн захиралтай байгуулах контракт гэрээ байгууллаа.

“Эгийн голын усан цахилгаан станц “Төрийн өмчит хязгаарлагдмал хариуцлагатай компанийн захиралтай байгуулах контракт гэрээ байгууллаа.

Дэлгэрэнгүй...

З.Мэндсайхан: Сэргээгдэх эрчим хүчнийг нэгдсэн бодлоготойгоор хөгжүүлэх шаардлагатай

Эрчим хүчний яамны Төрийн нарийн бичгийн дарга З.Мэндсайхантай уулзаж, сэргээгдэх эрчим хүчний талаар ярилцлаа. 

-Сэргээгдэх эрчим хүчийг дэмжих тарифын талаар олон нийтээс ихээхэн шүүмжлэл ирдэг. Энэ төлбөрийн талаар тайлбар өгөхгүй юү?

-Манай улсын хувьд сэргээгдэх эрчим хүчийг хөгжүүлэх, гадаадын хөрөнгө оруулалтыг татах зорилгоор УИХ-аас 2007 онд сэргээгдэх эрчим хүчний тухай хуулийг баталсан. Энэ хуулиар сэргээгдэх эрчим хүчний эх үүсвэрээр үйлдвэрлэсэн эрчим хүчийг харьцангуй өндөр үнээр худалдан авахаар заасан байдаг. Тиймээс нарны эрчим хүчийг ашиглан гарган авсан цахилгаан эрчим хүчийг нэг кВт.цаг тутамд 0.15-0.18 ам.доллар, салхины эрчим хүчийг ашиглан үйлдвэрлэсэн цахилгаан эрчим хүчийг нэг кВт.цаг тутамд 0.08-0.095 ам.доллароор тус тус худалдан авахаар хуульчилсан. Нэгэнт ингээд хуульчилсан учраас санхүүжилтийн эх үүсвэрийг шийдэх шаардлагатай болсон. Иймд сэргээгдэх эрчим хүчний тухай хуульд 2015 онд нэмэлт өөрчлөлт оруулж дэмжих тарифыг бий болгосон. Одоогоор эцсийн хэрэглэгч өөрийн хэрэглэсэн кВт.цаг цахилгаан эрчим хүч тутамд ногдох сэргээгдэх эрчим хүчийг дэмжих тарифыг төлж байна. Сэргээгдэх эрчим хүчний тухай хуулиндаа "Сэргээгдэх эрчим хүчээр үйлдвэрлэсэн цахилгаан эрчим хүчний үнийн зөрүүг дэмжих тарифаар нөхөн олгоно” гэж заасан. Энэ хуулийн дагуу л авч байгаа төлбөр.

-Сэргээгдэх эрчим хүчний төлбөрт авсан мөнгийг юунд зарцуулдаг вэ?

-Өнөөдрийн байдлаар Төвийн бүсийн эрчим хүчний системд сэргээгдэх эрчим хүчний эх үүсвэрүүдийн нийлүүлж буй цахилгаан эрчим хүчийг энэхүү дэмжих тарифын тусламжтайгаар худалдан авч байна.

-Сэргээгдэх эрчим хүчний салбарт яг одоо амжилттай хэрэгжиж байгаа ямар төслүүд байна вэ?

-Одоогоор манайд 50 МВт суурилуулсан хүчин чадалтай Салхит салхин цахилгаан станц, 10 МВт суурилуулсан чадалтай Дарханы нарны цахилгаан станц, 10 МВт суурилуулсан чадалтай Моннаран нарны цахилгаан станц, 50 МВт суурилуулсан чадалтай Цогтцэций салхин цахилгаан станцууд ашиглалтад ороод үйл ажиллагаагаа явуулж байна.

-Сэргээгдэх эрчим хүчний эх үүсвэр шинээр ашиглалтад орвол энэ дэмжих тариф нэмэгдэх үү?

-Одоогоор эрчим хүчний барилга байгуулах тусгай зөвшөөрлөө авч эрчим хүч худалдах, худалдан авах гэрээгээ байгуулаад санхүүгийн хаалтаа хийсэн сэргээгдэх эрчим хүчний хэд хэдэн эх үүсвэр 2018, 2019 онд ашиглалтад орох төлөвтэй байна. Цаашид сэргээгдэх эрчим хүчний шинэ эх үүсвэр ашиглалтад орсон тохиолдолд сэргээгдэх эрчим хүчний дэмжих тариф энэ оны эцэст 25.17 төг/кВт.ц, 2019 онд 31.17 төг/кВт.ц болж нэмэгдэх урьдчилсан тооцоо судалгаа байна.

-Манайх шиг эрчим хүчний хэлбэлзэл өндөртэй улсад усан цахилгаан станцаар тохируулга хийх нь тохиромжтой гэж ярьдаг. Эгийн гол тэргүүтэй усан цахилгаан станцуудын төсөл ямар шатанд явж байгаа вэ?

Дэлгэрэнгүй...

УСАН ЦАХИЛГААН СТАНЦ БАРЬЖ ЧАДААГҮЙ НЬ ХЭНИЙ БУРУУ ВЭ

“Усан цахилгаан станц нь  сэргээгдэх эрчим хүчний эх үүсвэрийн нэг хэлбэр ба эрчим хүчний үл шавхагдах нөөц бөгөөд  далан дээрээс урсан орж ирж  буй усыг цахилгаан эрчим хүч болгон хувиргадаг”. Ийм тодорхойлолтыг дунд сургуульд физикийн хичээл үзсэн хэн бүхэн торох зүйлгүй хариулах байх.

Өөрөөр хэлбэл, нүүрс түлэхгүйгээр, элдэв атом, цөм ярилгүйгээр байгаль дээр усаа ашиглаад эрчим хүч үйлдвэрлээд түүнийгээ ашиглаж болно гэсэн үг гэдгийг сургуулийн бяцхан жаалууд ч мэдэх болсон цаг. Тэгсэн хэрнээ л манайд өнөөдрийг хүртэл усан цахилгаан станцын гэх нэртэй төслүүд урагшилж өгөхгүй байгаагийн учир юунд байдаг юм бол. Үүнийг тодруулахаар шийдлээ хүлээн дуншсаар 20 гаруй жилийн нүүр үзэж буй “Эгийн голын усан цахилгаан станц” төрийн өмчит хувьцаат компанийн цахим хуудсаар зочилж, энэ талын мэдээлэлтэй мэргэжлийн  хүмүүстэй ч уулзлаа. Тэд усан цахилгаан станц Монголд хэрэгтэй зүйл гэдгийг хэлэхдээ “2020 онд Төвийн эрчим хүчний системийн их ачаалал 1325 МВт хүрэх бөгөөд Эгийн голын усан цахилгаан станц ашиглалтад орсноор их ачааллын 24 хувийг хангана” гэсэн судалгааны тоо баримтыг дурдах юм билээ.

Дэлгэрэнгүй...

УЦС ХҮЛЭМЖИЙН ХИЙГ БУУРУУЛАХАД ТОМ ҮҮРЭГТЭЙ

Эгийн голын усан цахилгаан станц барих тухай яриа гараад олон жилийн нүүр үзэж байна. Хөрөнгө оруулалтын асуудлыг нь гаднын зээл тусламжаар шийдэхээр боллоо хэмээгээд төслийн нэгжийг төрийн өмчит компани болгон зохион байгуулж судалгаа шинжилгээ, зураг төслийн гээд чамгүй их ажил өрнөсөн ч цаасан дээрх цахилгаан станц хэзээ амилж, улс орны хөгжилд хүч нэмэх юм бол гэдгийг хүмүүс байнга сонирхож байдаг. Тиймээс үүнийг тодруулахаар “Эгийн голын усан цахилгаан станц” төрийн өмчит хувьцаат компанийн захирал Б.Отгонсүхэд хандсан юм.
Тэрбээр Булган аймгийн нутагт буюу Эрдэнэтээс 71 км, Сэлэнгийн бэлчрээс 22.5 км зайд босох Эгийн голын усан цахилгаан станцыг зайлшгүй барих шаардлагын тухай:
-Өнөөдөр Төвийн эрчим хүчний системийн нийт цахилгаан эрчим хүчний хэрэглээний 92,7 хувийг дан ганц нүүрсээр ажилладаг станцууд хангаж, үлдэх хувийг ОХУ-аас импортоор авч байна. Гэтэл нүүрсээр ажилладаг станцууд нь суурь горимд ажилладаг учраас цахилгаан эрчим хүчний хэрэглээний өөрчлөлтийг дагаж үйлдвэрлэлээ тохируулан богино хугацаанд өөрчлөх чадвар, техникийн боломж хязгаарлагдмал. Мөн ОХУ-аас авдаг импортын цахилгаан эрчим хүч нь системийн оргил ачааллыг хааж, системд тохируулагчийн үүргийг л гүйцэтгэдэг ч үүнээс хамааралтай байдал улам бүр нэмэгдэх төлөвтэй болж байгаа юм. Өөрөөр хэлбэл, Оросоос авч байгаа импортын цахилгаан эрчим хүчийг дамжуулах шугамын техникийн боломж дээд хязгаартаа тулаад байна. Ахуйн хэрэглээ зонхилсон цахилгаан эрчим хүчний хэрэглээ жилээс жилд нэмэгдэж, хоногийн оргил болон бага ачааллын үеийн зөрүү өнөөдрийн байдлаар 320 МВт хүрсэн. Энэ мэт олон шалтгааны улмаас Эгийн голын усан цахилгаан станцыг барих зайлшгүй шаардлага байгаа юм.
-Усан цахилгаан станц байгаль экологид ямар нэг сөрөг нөлөөтэй юу?

Дэлгэрэнгүй...

Биологийн олон янз байдалд үзүүлэх нөлөөллийн судалгааны ажлын даалгавар боловсруулахад санал зөвлөмж авах эрдэмтдийн уулзалт

Эгийн голын усан цахилгаан станц төслийн Сэлэнгэ мөрөн, Байгал нуурын биологийн олон янз байдалд үзүүлэх нөлөөллийн судалгааны ажлын даалгавар боловсруулахад санал зөвлөмж авах. эрдэмтдийн уулзалт. Оролцсон эрдэмтэд 1. Монгол Улсын Их Сургууль, Шинжлэх ухааны сургууль, Биологийн тэнхимийн шувуу судлаач, Доктор, профессор С.Гомбобаатар

 

Дэлгэрэнгүй...

“Эгийн голын усан цахилгаан станц” Төрийн Өмчит ххк-ийн захирал Б.Отгонсүх Төслийн хуулийг зөвлөх CHRIS.MELVILLE Э.ОДХҮҮ нарыг хүлээн авч уулзлаа.

“Эгийн голын усан цахилгаан станц”   Төрийн Өмчит ххк-ийн захирал Б.Отгонсүх Төслийн хуулийг зөвлөх CHRIS.MELVILLE Э.ОДХҮҮ нарыг хүлээн авч уулзлаа.

Дэлгэрэнгүй...

                                                                  

Холбоо барих

  • +976 7711 11 50
  • contact@eghpp.mn
 

Манай хаяг

Баянзүрх дүүрэг 26-р хороо Олимпийн гудамж Энканто Таун 3 дугаар давхарт Улаанбаатар хот Монгол Улс

Сошиал медиа