• ЭГУЦС ашиглалтанд орсноор Монгол улсын эрчим хүчний системийн гаднаас үл хамаарах бие даасан байдлыг хангана.
  • ЭГУЦС Монгол улсын анхны томоохон чадлын усан цахилгаан станц болох юм.
  • 2014 онд ЦЭХ-ний өөрийн өртгөөс 20,92 төгрөгөөр доогуур үнээр хэрэглэгчдэд борлуулжээ.
  • Монгол улс 2020 он гэхэд эрчим хүчний үйлдвэрлэлийнхээ 20%-ийг СЭХ-ээр хангах үүрэг хүлээсэн.
  • Төвийн бүсийн нэгдсэн систем 2014 онд импортын цахилгаан эрчим хүчний төлбөрт 25 орчим сая ам.доллар зарцуулжээ.
  • Эрчим хүчний системийн эрэлт, нийлүүлэлт хугацааны эгшин бүрд тэнцвэртэй, тасралтгүй байдаг онцлогтой.
  • Геологи хайгуулын судалгаагаар ЭГУЦС-н далангийн суурийн геологийн нөхцлийг маш сайн гэж тогтоожээ.
  • Монгол улсын засгийн газар 2013 оны 11-р сард ЭГУЦС-ыг барих шийдвэр гаргалаа.
  • Жил ирэх тусам эрчим хүчний эх үүсвэр барьж байгуулах зардал өссөөр байна.
  • Эгийн голын УЦС нь Эг-Сэлэнгийн бэлчирээс 2,5 км зайд байрлана.
  • ЭГУЦС баригдснаар аж ахуйн үйл ажиллагаа эрхлэх олон боломж нээгдэнэ.
  • УЦС-ын эрчим хүч үйлдвэрлэл нь усан сангийн усны түвшингээс хамаардаг.
  • ЭГУЦС-ын орчимд жилд дунджаар 300-310 мм хур тунадас унадаг.
  • ЭГУЦС-ын орчимд агаарын дундаж температур нь 12-р сард -40 хэм, 7,8-р сард +25 хэм байдаг.
  • ЭГУЦС өвөлд үүсэх мөсний үзэгдлээ зохицуулж чадна.
  • ЭГУЦС-ын орчимд жилийн дундаж салхины хурд 2.3 м/с, харьцангуй чийгшил 72% байдаг.
  • Монгол улс 1977 оноос хойш ОХУ-аас импортолсон эрчим хүчнийхээ төлбөрт нийт 360 сая доллар буюу 530 тэрбум төгрөг төлжээ.
  • Асаалт хийх хугацааны хувьд УЦС 2-5 минут байдаг бол ДЦС-ууд 2-4 цаг байдаг.
  • Төвийн бүсийн нэгдсэн системийн 2014 оны оргил ачаалал 969 МВт хүрсэн.
  • ЭГУЦС 220кВ-ын 2 хэлхээ ЦДАШ-аар Төвийн Бүсийн Нэгдсэн Систем (ТБНС)-д холбогдоно.
  • ЭГУЦС жилд 709 мянган тонн CO2 бууруулах болно.
  • 2022 оноос ЭГУЦС-ын жилийн нийлүүлэлт 581 - 2662 сая кВт цаг хооронд хэлбэлзэж болохоор тооцоологдоод байна.
  • ЭГУЦС-ын хамрах талбайгаас 2014 оны Археологийн хайгуул-судалгаагаар 242 эртний дурсгал илрүүлсэн.
  • Төвийн Бүсийн Нэгдсэн Систем (ТБНС)-ийн цахилгаан станцуудын дотоод хэрэгцээ дунджаар 14,47% байна.
  • Эгийн голын орчим 423 зүйлийн ургамал ургадаг.
  • Манай хөрш хоёр улс дэлхийн усны эрчим хүчний үйлдвэрлэлээр тэргүүлэгч 5 орны тоонд багтдаг.
  • Тайширын УЦС АУЭХС-ийн эрчим хүчний хэрэглээний 27%-ийг хангаж байна.
  • 1878 онд дэлхийн хамгийн анхны усан цахилгаан станцыг байгуулжээ.
  • Өнөөдөр дэлхийн эрчим хүчний 20%-г усан цахилгаан станцаар үйлдвэрлэдэг бөгөөд 30 гаруй орнуудын голлох эрчим хүчний эх үүсвэр нь болж өгдөг байна.
  • Дөргөний УЦС ББЭХС-ийн эрчим хүчний хэрэглээний 30 орчим хувийг хангаж байна.
  • Далан бүхий усан сан нь эрчим хүч үйлдвэрлэх, усны нөөц болохоос гадна үерийн зохицуулалт, усалгаа, аялал жуулчлал, аж ахуй эрхлэх зорилгоор ашиглагдаж болдог.
  • Усан цахилгаан станц нь насжилт урттай, засвар үйлчилгээ, ашиглалтын зардал бага, хөрөнгө оруулалтаа нөхсөн байхад хямд өртөгтэй эрчим хүч үйлдвэрлэнэ.
  • Эгийн голын УЦС нь өөрийн борлуултын орлогоороо хөрөнгө оруулалтаа 20-25 жилд нөхөх тооцоололтой.
  • Дэлхийн хэмжээнд усан цахилгаан станцын суурилагдсан хүч 1,3 ТВт хүрээд байна.
  • Монгол улс усны эрчим хүчнийхээ нөөцийн дөнгөж 1,6%-ийг л ашиглаж байна.
  • Монгол орны эрчим хүчний өнөөгийн нөхцөл байдал, ус зүйн нарийвчилсан тооцоолол зэргийг судалсны үндсэн дээр ЭГУЦС-ын суурилагдах хүчин чадлыг 315 МВт байхаар сонгож авсан болно.
  • Эгийн голд 21 зүйлийн загас байдаг.
  • Сэлэнгэ мөрөн дээр төмөр бетон гүүр баригдана.
  • УЦС-ын үндсэн тоноглолын насжилт 30 гаран жил байдаг.
  • Төвийн Бүсийн Нэгдсэн Систем (ТБНС)-нд буй эрчим хүчний эх үүсвэрүүдийн суурилагдсан хүч чадал 1032 МВт болсон.
  • Монгол улсын хэмжээнд 6 дэд станцаар ОХУ-аас, 6 дэд станцаар БНХАУ-аас эрчим хүч импортлон авч байна.
Булган аймгийн төвд Хантай багийг нүүлгэн суурьшуулах
Огноо: 2016-01-25

 

Хантай багийг нүүлгэн суурьшуулах, байгаль орчны асуудал, газрын харилцааг зохицуулах үүрэг бүхий ажлын хэсгийн ээлжит хуралдаан Булган аймагт боллоо

 

Эгийн голын усан цахилгаан станцын урьдчилсан шатны дэд бүтцийн ажлыг концессын гэрээгээр гүйцэтгэхээр болж бэлтгэл ажлууд эхэлсэнтэй холбогдуулан ажлын хэсгийнхэн Булган аймагт хуралдлаа.

 

Аймгийн засаг дарга Д.Эрдэнэбат удирдсан ажлын хэсгийн хурлаар дараах асуудлуудыг хэлэлцэв.

Үүнд:

 

1. Эгийн голын УЦС-ын усан сангийн талбайгаас 2016 онд ашиглах мод бэлтгэлийн талаар санал боловсруулж, холбогдох байгууллагад уламжилах;

2. Улсын тусгай хамгаалалттай газар нутгийн хилийн заагт өөрчлөлт оруулах болон зарим газар нутгийг улсын тусгай хэрэгцээнд авах тухай ЗГ-ын тогтоолын төслийг танилцуулах;

3. Эгийн голын УЦС-ын усан сангийн талбай, дэд бүтцийн трассын дагуух газар ашиглалт, олголттой холбоотой асуудлыг хэлэлцэх;

4. Судалгаагаар тогтоогдсон 14 га талбайн унанги, шатсан ойг цэвэрлэх ажлын талаар шийдэлд хүрэх.

 

Хурлаар ойн цэвэрлэгээ болон үндсэн ашиглалтын ажлыг орон нутгийн аж ахуйн нэгжүүдийг хамруулан хийх боломжийн талаар ярилцаж дараах шийдэлд хүрлээ.

 

1. Эгийн голын усан цахилгаан станц төслийн усан сангийн талбайд хамрагдах ойг ашиглах асуудалтай холбогдуулан мод бэлтгэх тухай саналыг Булган аймгийн Иргэдийн төлөөлөгчдийн Хуралд хүргүүлж, шийдвэр гаргуулах;

2. 14 га талбайн цэвэрлэгээний ажлыг 2016 оны үндсэн ашиглалтын ажилтай хамтатган шийдвэрлэх; /Ажлын хэсгийн гишүүд болон орон нутгийн ойн мэргэжлийн байгууллагуудын хамт цаг алдалгүй газар дээр танилцаж яаралтай шийдвэр гаргах/

3. Мод ашиглах мэргэжлийн байгууллагыг сонгох, мод бэлтгэлийн ажилд хяналт тавих ажлыг Булган аймгийн Байгаль орчны газар, Мэргэжлийн хяналтын газар, Эгийн голын усан цахилгаан станц төсөл хамтран зохион байгуулах.

 

Мөн энэ үеэр Хантай багийг нүүлгэн суурьшуулах ерөнхий төлөвлөгөөний зургийг Хутаг-Өндөр сумын Засаг дарга, Хантай багийн Засаг дарга нарт, Хантай багийн шинэ байршлын байгаль орчны төлөв байдлын үнэлгээний тайланг Булган аймгийн Байгаль орчин аялал жуулчлалын газрын даргад тус тус хүлээлгэн өглөө.

 

 

ТӨСЛИЙН БАЙРШИЛ
  • Эгийн голын УЦС-ын далан баригдах газар нь
    Булган аймгийн Хутаг-Өндөр сумын нутагт, Эг-Сэлэнгийн бэлчирээс 2.5 км зайд байрладаг.
УСАН САН
  • Усан сангийн хэвийн түвшин
    д.т.д 910 м
  • Усан сангийн эзэлхүүн
    5.7 тэрбум м3
  • Усан сангийн толион талбай
    154.3 км2
Дээш очих