• ЭГУЦС ашиглалтанд орсноор Монгол улсын эрчим хүчний системийн гаднаас үл хамаарах бие даасан байдлыг хангана.
  • ЭГУЦС Монгол улсын анхны томоохон чадлын усан цахилгаан станц болох юм.
  • 2014 онд ЦЭХ-ний өөрийн өртгөөс 20,92 төгрөгөөр доогуур үнээр хэрэглэгчдэд борлуулжээ.
  • Монгол улс 2020 он гэхэд эрчим хүчний үйлдвэрлэлийнхээ 20%-ийг СЭХ-ээр хангах үүрэг хүлээсэн.
  • Төвийн бүсийн нэгдсэн систем 2014 онд импортын цахилгаан эрчим хүчний төлбөрт 25 орчим сая ам.доллар зарцуулжээ.
  • Эрчим хүчний системийн эрэлт, нийлүүлэлт хугацааны эгшин бүрд тэнцвэртэй, тасралтгүй байдаг онцлогтой.
  • Геологи хайгуулын судалгаагаар ЭГУЦС-н далангийн суурийн геологийн нөхцлийг маш сайн гэж тогтоожээ.
  • Монгол улсын засгийн газар 2013 оны 11-р сард ЭГУЦС-ыг барих шийдвэр гаргалаа.
  • Жил ирэх тусам эрчим хүчний эх үүсвэр барьж байгуулах зардал өссөөр байна.
  • Эгийн голын УЦС нь Эг-Сэлэнгийн бэлчирээс 2,5 км зайд байрлана.
  • ЭГУЦС баригдснаар аж ахуйн үйл ажиллагаа эрхлэх олон боломж нээгдэнэ.
  • УЦС-ын эрчим хүч үйлдвэрлэл нь усан сангийн усны түвшингээс хамаардаг.
  • ЭГУЦС-ын орчимд жилд дунджаар 300-310 мм хур тунадас унадаг.
  • ЭГУЦС-ын орчимд агаарын дундаж температур нь 12-р сард -40 хэм, 7,8-р сард +25 хэм байдаг.
  • ЭГУЦС өвөлд үүсэх мөсний үзэгдлээ зохицуулж чадна.
  • ЭГУЦС-ын орчимд жилийн дундаж салхины хурд 2.3 м/с, харьцангуй чийгшил 72% байдаг.
  • Монгол улс 1977 оноос хойш ОХУ-аас импортолсон эрчим хүчнийхээ төлбөрт нийт 360 сая доллар буюу 530 тэрбум төгрөг төлжээ.
  • Асаалт хийх хугацааны хувьд УЦС 2-5 минут байдаг бол ДЦС-ууд 2-4 цаг байдаг.
  • Төвийн бүсийн нэгдсэн системийн 2014 оны оргил ачаалал 969 МВт хүрсэн.
  • ЭГУЦС 220кВ-ын 2 хэлхээ ЦДАШ-аар Төвийн Бүсийн Нэгдсэн Систем (ТБНС)-д холбогдоно.
  • ЭГУЦС жилд 709 мянган тонн CO2 бууруулах болно.
  • 2022 оноос ЭГУЦС-ын жилийн нийлүүлэлт 581 - 2662 сая кВт цаг хооронд хэлбэлзэж болохоор тооцоологдоод байна.
  • ЭГУЦС-ын хамрах талбайгаас 2014 оны Археологийн хайгуул-судалгаагаар 242 эртний дурсгал илрүүлсэн.
  • Төвийн Бүсийн Нэгдсэн Систем (ТБНС)-ийн цахилгаан станцуудын дотоод хэрэгцээ дунджаар 14,47% байна.
  • Эгийн голын орчим 423 зүйлийн ургамал ургадаг.
  • Манай хөрш хоёр улс дэлхийн усны эрчим хүчний үйлдвэрлэлээр тэргүүлэгч 5 орны тоонд багтдаг.
  • Тайширын УЦС АУЭХС-ийн эрчим хүчний хэрэглээний 27%-ийг хангаж байна.
  • 1878 онд дэлхийн хамгийн анхны усан цахилгаан станцыг байгуулжээ.
  • Өнөөдөр дэлхийн эрчим хүчний 20%-г усан цахилгаан станцаар үйлдвэрлэдэг бөгөөд 30 гаруй орнуудын голлох эрчим хүчний эх үүсвэр нь болж өгдөг байна.
  • Дөргөний УЦС ББЭХС-ийн эрчим хүчний хэрэглээний 30 орчим хувийг хангаж байна.
  • Далан бүхий усан сан нь эрчим хүч үйлдвэрлэх, усны нөөц болохоос гадна үерийн зохицуулалт, усалгаа, аялал жуулчлал, аж ахуй эрхлэх зорилгоор ашиглагдаж болдог.
  • Усан цахилгаан станц нь насжилт урттай, засвар үйлчилгээ, ашиглалтын зардал бага, хөрөнгө оруулалтаа нөхсөн байхад хямд өртөгтэй эрчим хүч үйлдвэрлэнэ.
  • Эгийн голын УЦС нь өөрийн борлуултын орлогоороо хөрөнгө оруулалтаа 20-25 жилд нөхөх тооцоололтой.
  • Дэлхийн хэмжээнд усан цахилгаан станцын суурилагдсан хүч 1,3 ТВт хүрээд байна.
  • Монгол улс усны эрчим хүчнийхээ нөөцийн дөнгөж 1,6%-ийг л ашиглаж байна.
  • Монгол орны эрчим хүчний өнөөгийн нөхцөл байдал, ус зүйн нарийвчилсан тооцоолол зэргийг судалсны үндсэн дээр ЭГУЦС-ын суурилагдах хүчин чадлыг 315 МВт байхаар сонгож авсан болно.
  • Эгийн голд 21 зүйлийн загас байдаг.
  • Сэлэнгэ мөрөн дээр төмөр бетон гүүр баригдана.
  • УЦС-ын үндсэн тоноглолын насжилт 30 гаран жил байдаг.
  • Төвийн Бүсийн Нэгдсэн Систем (ТБНС)-нд буй эрчим хүчний эх үүсвэрүүдийн суурилагдсан хүч чадал 1032 МВт болсон.
  • Монгол улсын хэмжээнд 6 дэд станцаар ОХУ-аас, 6 дэд станцаар БНХАУ-аас эрчим хүч импортлон авч байна.
Ажлын хэсэг Төслийн талбарт ажиллав
Огноо: 2016-04-09

 

 

Эгийн голын усан цахилгаан станцын барилга байгууламж, далан, усан сан үүсэх газрыг улсын улсын тусгай хэрэгцээнд авахтай холбогдуулан усан сан хуримтлагдах талбайд газар эзэмшиж байгаа иргэн, аж ахуйн нэгж, байгууллагын газрын кадастрын бүртгэл, газар ашиглалтын байдалд судалгаа хийн дүгнэлт хийх ажлын хэсэг тус газарт ажиллаад ирлээ. БОНХАЖЯ-ны Газрын нөөцийн зохицуулалтын хэлтсийн дарга .Л.Нямаар ахлуулсан ажлын хэсэгт Газрын харилцаа,геодиз зураг зүйн газар Хүнс хөдөө аж ахуйн яамны болон ЭГУЦСТН-ийн ажилтнууд,Булган аймгийн газрын харилцаа,барилга хот байгуулалтын газрын дарга Ч.Балдандорж тэргүүтэй орон нутгийн төлөөлөл оролцлоо. Эгийн голын усан цахилгаан станцын барилга байгууламж, далан, усан сан үүсэх газрыг улсын тусгай хэрэгцээнд авахтай холбогдуулан усан сан хуримтлагдах талбайд газар эзэмшиж байгаа иргэн, аж ахуйн нэгж, байгууллагын газрын кадастрын бүртгэл, газар ашиглалтын байдалд судалгаа хийн дүгнэлт гаргах. Булган аймгийн Газрын харилцаа, барилга, хот байгуулалтын газраас ирүүлсэн судалгаанд усан сан үүсэх талбайд аялал, жуулчлалын зориулалтаар 4,4 га, газар тариалангийн зориулалтаар 1837 га, өвөлжөө хаваржааны зориулалтаар 26 га /нийт 1863 га/ газрыг 93 байршилд иргэн, аж ахуйн нэгж, байгууллагад эзэмшүүлж байгаа гэж дурдсаныг газар дээр нь танилцаж, Газрын хуулийн дагуу эзэмшүүлж, ашиглуулсан эсэхийг нь кадастрын зураглал, улсын бүртгэлтэй нь тулгаж, мэргэжлийн холбогдох хүмүүстэй хамтран нягтлан шалгав. Булган аймгийн Хөгжлийн бодлогын хэлтсийн дарга Н.Ганболд, Газрын харилцаа, барилга, хот байгуулалтын газрын дарга Б.Балдандорж, Байгаль орчин, аялал жуулчлалын газрын дарга А.Гантөмөр Хутаг-Өндөр сумын Засаг дарга Д.Жаргалсайхан нартай уулзаж газар ашиглалт, хамгаалалт, нөхөн сэргээлт, газрын бүртгэлтэй холбоотой хууль тогтоомжийн талаар мэдээлэл өгч, тэдний санал бодлыг сонслоо.

 

 

Хутаг-Өндөр суманд ажиллаж, газар олгосон талаарх холбогдох шийдвэр захирамж, гэрээ, гэрчилгээ, кадастрын зураглал, газрын улсын бүртгэл хөтлөлттэй холбоотой бичиг баримтыг газар дээр нь нягтлан үзэж, Qgis-ийн программд газар тариалангийн талбайн байршлууд, холбогдох мэдээллийн баазыг шинээр үүсгэн баталгаажилт хийлээ Өвөлжөө, хаваржааны болон аялал жуулчлалын газрын эзэмшил, ашиглалтыг газар дээр нь буюу Хантай багын төв орчим болон Баянголын аманд очиж байршил, ашиглалтын зориулалтыг нь гэрээ гэрчилгээтэй нь тулгаж кадастрын зургийг Qgis-ийн программд тулгуурлан судалгааг нягтлан бүртгэл хийлээ.

 

ТӨСЛИЙН БАЙРШИЛ
  • Эгийн голын УЦС-ын далан баригдах газар нь
    Булган аймгийн Хутаг-Өндөр сумын нутагт, Эг-Сэлэнгийн бэлчирээс 2.5 км зайд байрладаг.
УСАН САН
  • Усан сангийн хэвийн түвшин
    д.т.д 910 м
  • Усан сангийн эзэлхүүн
    5.7 тэрбум м3
  • Усан сангийн толион талбай
    154.3 км2
Дээш очих